Cara Bantai Jentik Nyamuk dgn Bahan Penghuni Dapur

Beranda

...

The Lounge
Cara Bantai Jentik Nyamuk dgn Bahan Penghuni Dapur

rotario

07-06-2014 12:12

Cara Bantai Jentik Nyamuk dgn Bahan Penghuni Dapur

WELCOME TO MY THREAD emoticon-I Love Indonesia (S)

Quote:

Permisi agan-agan, ane numpang bikin thread lagi yaa.. emoticon-Big Grin

Cara Bantai Jentik Nyamuk

Dengan Bahan Penghuni Dapur

Abis musim yg kaga jelas ini. Kemarau apa penghujan. Banyak nyamuk nyang mulai bertelor. Mungkin pas intesitas ujannye banyak kemaren, banyak nyamuk2 pada ngadain resepsi nikahan. Mumpung dingin, berasa penganten baru dah pada tu nyamuk2. Nah hasilnye sekarang dah mulai bertelor.

Nah yang pada doyan berkebun ato perhatian ama lingkungan sekitar, jentik nyamuk mulai muncul dah tu pada wadah2 yg nampung aer.

Sebelum ane ngomong tipsnye, ni ane sharedulu dah definisi jentik nyamuk ntu apaan.

Spoiler for Jentik nyamuk menurut Mbah Wiki:

Jentik (atau jentik-jentik) adalah tahap larva dari nyamuk. Jentik hidup di air dan memiliki perilaku mendekat atau "menggantung" pada permukaan air untuk bernapas. Nama "jentik" berasal dari gerakannya ketika bergerak di air. Ia dikenal pula dalam bahasa lokal sebagai (en)cuk atau uget-uget (Jw.).

Jentik menjadi sasaran dalam pengendalian populasi nyamuk yang berperan sebagai vektor penyakit menular melalui nyamuk, seperti malaria dan demam berdarah dengue.

Nah, agan tau pan nyamuk nyang namanye aedes aegypti? Nyamuk nyang bisa bikin agan-agan kena demam berdarah ntu tuh. Katanye nyamuk ntu udeh mulai berevolusi. Dari awalnye cuma bisa bertelor di air bersih, sekarang doi udeh bise nelor dan ngembangin jentik di aer kotor. Bahaye pan ntu jad gampang bener berkembang biaknye sekarang. emoticon-Takut

Nah, karena kite kaga tau ntu nyamuk waktu pastinye kapan, palingan kite cuma bise bantai jentiknye aje nyang udeh pada telanjur geal geol di aer.

Berdasarkan penelitian nyang ane lakuin tanpa diawalin ame niat, ane nemuin cara biar tu jentik pada koit. Soalnye ane pan ternak kroto, aer di tempat wadah nampan berapa kali ane ganti, tu jentik pade ade melulu.

Ni bahan-bahan nyang ane temuin sebagai penghuni dapur, nyang bisa bantai tu jentik2 biar koit:

Spoiler for 1. Bahan pertama:

Sabun Cair Buat Nyuci Piring

Spoiler for 2. Bahan kedua:

Garem

Nah ini caranye:

Spoiler for Caranye:

1. Tuangin tu sabun cair buat nyuci piring ntu secukupnye ato seleranye ke dalam wadah yang ada genangan aernye. Jangan ente tuangin ke aer ngalir ye gan. Ntar atu botol juga kaga cukup.

2. Masupin dah tu garem seleranye ente. Banyakan dikit garemnye juga kaga ape2. Kalo garemnye kedikitan, kaga ada fungsinye. Pan ente mau bantai jentik, bukan mau masak sop.

3. Obok-obok dah biar larut ntu sabun cair ama garemnye.

4. Abis ntu tinggalin aje. Kaga usah ditongkrongin.

5. Nah, barang 15 menitan dah lebih dikit, ente liat aje ntu hasilnye.

Spoiler for Hasil pembantaian:

Katanye si biji pepaye juga bisa buat bantai jentik nyamuk. Cuma pan kaga mesti ada pepaye di rumah. Kecuali emang ente emang kaga kenal buah nyang laen selain pepaye. Ato pas perut ente emang lagi hobi buang aer. Lagipula masa ente tega ambil biji tu pepaye. Lha ente aja kaga mau pan diambil? Bisa ilang keturunan kerajaan ente ntar. ;ngakak

Sebenernye karena ni bahan lebih gampang dapetnye. Dan mesti bakal ade di dapur. Kecuali dapur ente laen daripada nyang laen. Garem ama sabun cair kaga ade di dapur, adanye oli, shockbreaker, kunci pas. Ya beli aje dah kalo gitu di warung terdekat ntu garem ame sabun cair buat nyuci piringnye. emoticon-Big Grin

Nah mudah2an bisa diterapin dah ni tips di wadah-wadah nyang ada genangan aernye kecuali bak mandi (ane kaga nanggung dah kalo kulit ente kenape kena tu ramuan garem ame sabun cuci piring), wadah penyimpanan aer buat bakal dikonsumsi aernye (bukan jentik nyamuk aje nyang bakal koit),termos ame dispenser juga jangan ye gan.

Sekian dari ane. Kali aje ada nyang mau nambahin juga bole lewat komen.

Note: Bole.. cendolnye bole.. emoticon-Blue Guy Cendol (L)