kayaknye gue ngerasa ada pembatas yang amat tipis antara kata KRITIK, NYINDIR, dan NYINYIR. Padahal tiga kata ntu beda banget loh artinye. Dan gue liat, ada banyak banget orang-orang yang salah menggunakannye. Termasuk gue, kok. Hihihi.

Karena ntu, yuk kite bahas lebih lanjut. Biar wawasan temen-temen pembace luas

KRITIK.
Menurut KBBI daring, kritik adalah kecaman atau tanggapan, kadang-kadang disertai uraian dan pertimbangan baik buruk terhadap suatu hasil karya, pendapat, dsb. Nah biasanye nih, kritik ntu bakal diuraikan berdasarkan fakta dan penelitian, lalu berakhir dengan saran atau solusi.

Contoh kritik:
“Gue kagak suka sama blog lo bro, berat banget bikin kuota cepet abis. Coba deh dihapus itu widget musiknye, pasti bakal lebih enteng dan pembace blog lo bakal makin betah.”

NYINDIR
Nyindir atau sindir kalo kata KBBI adalah celaan; ejekan; mengata-ngatai (mencela) seseorang, tetapi perkataan itu ditujukan kepada orang lain. Nyindir ini emang rada mirip ame kritik, cuman lebih pedes dan biasanye kagak disertai dengan saran atau solusi.

Contoh nyindir:
“Jijay bajay ame blog #nomention. Artikelnye kacangan, jarang diapdet pula, trus kebanyakan iklan memperpanjang baiknye lagi!”

NYINYIR
Sape yang tau kata NYINYIR karena selalu maenin media sosial? Hihihi, gue termasuk, loh

Entah sape yang bikin kata NYINYIR ini eksis banget di media sosial, yang jelas pengertian kata yang satu ini amat jauh. Kebanyakan orang tau kalo nyinyir ntu persamaan dari nyindir, padahal kagak loh. Menurut KBBI, nyinyir adalah mengulang-ulang perintah atau permintaan; nyenyeh; cerewet. Hayoo, sape yang baru tau?

Kebanyakan nih kalo di Twitter, gue ngeliat orang pada ngetwit gini:
“Halah, bisanye nyinyirin orang aje lo, pas ketemu aslinye juge palingan diem doang!”
“Gue paling kagak suka akun nyinyir”

Contoh twit di atas sering gue temui. Padahal yang mereka maksud sebenernye bukan nyinyir, tapi nyindir. Hohoho.

Ngomong-ngomong soal nyindir, gue sih yakin banget kalo hampir setiap orang ntu suka banget menyindir, terlebih buat mereka atau kite yang getol maen media sosial. Hayo, sape di sini yang suka maen #nomention di Twitter?

“Sampah banget sih twit lo, kagak penting! ?Unfol dah! #nomention”

Nyindir ntu manusiawi, selama emang yang disindirkan emang menyimpang dari aturan, etika, atau budaya. Nah, kalo yang disindirin kagak ngeh, pegimane ntuh? Emang ade baeknye mending tegur langsung dah, daripade nyindir-nyindir gitu. Yang disindirin sape, yang ngerasa sape, bah makin berabe dah urusannye!

*padahal gue juge lebih demen nyindir daripade negor langsung hihi*

Nyindir ntu manusiawi, tapi emang kagak baek juge kalo setiap waktu dilakuin. Heuheu. Apelagi kalo cara nyindirnye ntu pake kata-kata yang kagak sopan

Inget, jangan munafik kalo temen-temen pembace benci dengan sindir-menyindir. Lha wong kalian juge pasti tiap hari ngelakuin ntu, kok. Hehehe. Jangan sok anti gitu deh, namanye juge hidup sebagai makhluk sosial, udeh biase ntu mah!

“NGAPAIN SIH NGURUSIN KEHIDUPAN ORANG LAEN, KAGAK ADA KERJAAN YE?” – sindiran yang sering dilontarkan seseorang yang kagak mau dikepoin.

Coba deh kite balikin gini aje, “Apakah ente kagak pernah ngurusin kehidupan orang laen? Ente yakin kagak pernah ngomentarin dan nyindirin kehidupan selebritas? Yakin kagak pernah ngomongin dan mencari temen laen?”

Kite sebagai makhluk sosial tentu bakal selalu hidup bareng orang laen. Satu sama laen bakal saling mengurusi dan melengkapi. Contoh kecilnye, kalo kite ngetwit typo, pasti suka ada yang negor, “Kak, typo tuh. Harusnye titik bukan baik.” Yang sepele kayak gini aje sering diurusin ame temen, kan? Iye bener sepele, tapi diye baek juge udeh mau ngurusin/ngingetin/melengkapi cara penulisan lo yang salah ntu.

Ambil positifnye aje, kalo ada orang yang terlihat terlalu mengurusi kehidupan lo, ya mungkin karena mereka sayang atau mengidolakan. Gede rasa? Silakan. Hihihi. Padahal mungkin yang ngurusin kehidupan lo tuh bukannye lagi kagak ada kerjaan, tapi emang lo nye aje keseringan ngumbar kehidupan pribadi, ya pastinye bakal dapet berbagai komentar dong? Atau yang ngurusin hidup lo ntu lagi nyari inspirasi, iseng atau penasaran. Ya pokonye jangan terlalu GR juge sih kalo ngeliat ada temen kayaknye ngurusin kehidupan lo. Mungkin jalan terbaiknye ntu : lo musti bikin konferensi pers ala-ala artis. Atau ape kek gitu, bikin tulisan di blog. Twit? Bise juge dah!

Kalo emang temen yang suka ngurusin lo ntu udeh ngeganggu kehidupan lo banget (kayak paparazzi gitu), ya silakan ngadu ke polisi. Kalo kagak ngeganggu mah, cuekin aje. Mayan kan berasa jadi artis

Namanye juge hidup, kadang nyenengin kadang nyebelin. Keep calm and woles aje brosis.

Jadi, kalian lebih sering mengkritik, menyindir, atau menyinyir?

Mari renungkan