ass ww,,,,,
salam sanak sadonyo,,,,,
baiaklah sanak sadonyo awak bukak saketek labiah mandalam caro pamahamannyo pado tingkek nan halui-halui bia nak jaleh apo nan isi pado diri nan terdiri untuak mancapai makrifat nur ilahi.
Nur muhammad datangnyo dari nur nan satu nan basumberkan kapado dzat nan maha esa.
Hanyo nur cahayo nan mampu malahiakan kewujudan,karano cahayo mampu manghalau kegelapan.
Jiko cahayo matohari mampu manghalau kegelapan nan manutupi benda-benda alam nan nyato,mako cahayo nur ilahi mampu manghalau kegelapan nan manutupi hakikat-hakikat nan gaib.
Mato di kapalo maliek kapado benda-benda alam & mato hati maliek kapado hakikat-hakikat.
Mungkin dapek jugo awak sampaikan kapado dunsanak sadonyo bahwasonyo mato hati maliek banyaknyo hakikat karano banyaknyo cermin hakikat nan mamantulkan cahayo nur ilahi,sedangkan nur ilahi datangnyo dari nur nan satu nan basumber kapado dzat samato-mato.
Nur ilahi adolah cahayo nan manarangi hati & mangaluakan hati dari lembah kegelapan kapado cahayo nan tarang benderang sarato mambawo untuak manyaksikan sasuatu dalam keadaan nan samparono nyato.apobilo nur ilahi sudah mambukak tutupan sarato cahayo tarang telah bersinar mako mato hati akan mampu memandang hakikat-hakikat kebenaran nan disembunyikan oleh alam nyato.
Jadi bilo samakin tarang cahayo nur ilahi nan ditarimo oleh hati kito mako samakin jaleh pulo kebenaran nan mampu diliek oleh mato hati kito.
Sabalunnyo awak nan masih mantah ko minta maaf kapado dunsanak & sesepuh sadonyo tiado maksud ingin manggurui, kito sadonyo dalam tahap masih manimbo ilmu pengetahuan nan basifat ilmu ketuhanan.
Dapek jugo awak sampaikan sebagai pengetahuan kito bahwasonyo ilmu pengetahuan nan diperoleh melalui pandangan mato hati nan basuluahkan nur ilahi dinamokan ilmu laduny atau ilmu nan diperoleh dari allah subhanna huwata'ala sacaro langsuang.
Kekuatan ilmu nan diperoleh bagantuang kapado kekuatan hati manarimo cahayo nur ilahi.
Bilo seseorang nan masih pado tingkek permulaan hatinyo balun cukui barasiah,mako cahayo nur ilahi nan diperolehnyo tidak bagitu tarang.oleh sabab itu ilmu laduny nan diperolehnyo masih balun sampai pado tingkek nan halui-halui.pado tingkek iko hati masih bisa menngalami kekeliruan.kadang-kadang hati manghadok kapado nan kurang batua dengan mambalakangkan nan labiah batua.
Sakali lai awak minta maaf kapado dunsanak & sesepuh sadonyo karano apo nan awak sampaikan mungkin kurang berkenan dihati dunsanak sadonyo.
Karano amal & ilmu tidak akan mampu menyingkap rasio hakikat-hakikat.
Nur ilahi manarangi hati,ruh & sirr,nur ilahi nan mampu menyingkap tabir hakikat.
Mako bilo seseorang nan maambiak hakikat-hakikat dari buku-buku bukanlah hakikat nan saban-bananyo tatapi hanyolah sangkaan & hayalan samato-mato.
Jiko kito ingin mancapai hakikat & ma'rifat mako kito paralu mangamalkan wirid sabagai pambarasiah hati.
Kamudian sabar manunggu & mananti sambia tarui bawirid.
Sakironyo allah subhanna huwata'ala kehendaki,mako warid akan didatangkan oleh allah swt kapado hati nan asyik dengan wirid itu.
'''allah subhanna huwata'ala hanyo bisa dikenal jiko allah sandiri ingin dia dikenali'''.
Jiko allah ingin memperkenalkan diri-nyo kapado hamba-nyo,mako hati kito akan dipersiapkan dengan mangkaruniakan warid.hati kito akan ditarangi oleh nur-nyo.tidak mungkin untuak mancapai allah swt tanpa dorong nan kuek dari nur-nyo.
Nur ilahi adolah kendaraan hati untuak sampai ka hadirat-nyo.
Itulah nan disabui nikmatnyo hidui,,,,,
mako kito akan manjadi lillahirabbul al'amin
nan artiannyo sagalo sasuatu tajadi karano allah & patuah terhadap keputusan allah,,,,,
'''tiado fi'il malainkan allah'''

wassalam,,,,,

ana kana mukmininna,,,,,
.