Randang kabanyo alah manjadi makanan paliang lamak di dunia. Alhamdulillah kok iyo mode tu yo sanak. Ikuik sanang dan bangga rang awak mandanga nyo.

Randang tu macam-macam pulo jenisnyo. Ado randang dagiang jawi. Randang paru. Randang Baluik. Randang Talua. Randang Paku. Randang Lokan .

Nah kini ambo nio ba carito tentang Randang Lokan. Mungkin dunsanak batanyo tu apo lokan tu.

Lokan itu adalah sejenis kerang air payau. Habitat atau tampek hiduik nyo air payau cando muaro batang ayia. Jadi urang Minang yang tingga di daerah dakek tapi pantai tantu nyo lah tau Bana dengan lokan ko. Kerang air tawar bahaso Indonesia nyo.

Nah dunsanak, kerang lokan ko sungguh sangaik lamak dan bergizi tinggi. Sumber protein kecek urang.

Lalu Baa caro mamasaknyo. Bumbu nyo mode randang dagiang juo. Karambia agak 2 atau 3. Lado giliang. Kalau nak harum agiah lado kutu saketek. Tu bumbu gulai lainyo, sipadeh, lingkueh, kunik, tambah Jo langkok langkok lain daun salam, daun limau, daun kunyik. Tambah saketek Jo karambia randang atau ambu-ambu.

Proses masak nyo ko yg lamo sanak. Antaro 2 sampai 3 jam. Di sangai sangai di api sedang. Bia jan anguih. Bia rancak rono randang nyo. Kecoklatan.

Kok lah masak marilah Kito makan lai sanak. Di daerah kami Pasaman Barat nan dakek pantai, randang lokan atau Pongek lokan acok di sajikan dalam alek .

Kok ado dunsaanak di rantau nan taragak, buliah pasan ka ambo. Kebetulan ambo baru baraja mangaleh onlain kecek urang jaman naw.

Mode tu nyo sanak, mokasi banyak