Kentong lagi asik-asiknye nonton bola depan tipi, tau-tau bininye nyelonong:
"Bang, lampu teras putus, tolong gantiin ame yang baru dong!"
"Masang lampu ?!!!, lu kire gue PLN apah...!!!" saut Kentong enteng.
"Ya udeh kalo kaga mau, benerin aje keran kamar mandi,
itu tuh aernya ampe luber-luber"
"Benerin keran ?!!!, lu kire gue PAM kali...!!!"
"Ya udeh, kalo lu pegi beli rokok ke warung aje gue nitip minyak"
"Lu kagak bisa liat orang lagi enak nonton kali ye, lu kire gue
PERTAMINEEE...!!!" Kentong sewot.

Lantaran berasa digangguin terus, Kentong ngeloyor ke rumah tetangge,
balik-balik jem 2. Tapinye Kentong kaget lantaran terasnye udah terang.
Terus ke kamar mandi, air udah kaga luber-luber;
ke dapur jerigen minyak juga udah full tenk.

Paginye Kentong nanya ame bininye: "Lu minta tulung ame siape...?"
"Gini bang, abis abang minggat, gue nangis di teras.
Terus ade cowok ganteng lewat nanyain gue.
Gue cerite ape adenye, juga soal abang nyang sewot.
Terus die nawarin buat ngebantuin, tapi ada syaratnye."
"Ape syaratnye...?" Kentong pingin tau.
"Syaratnye bisa pilih, gue bikinin die roti atawa tidur ame die"
"Terus yg pasti elu bikinin die roti kan...?" Umar ngedesek.
"Bikinin roti ?!!! .. Lu pikir gue SARI ROTI BAKERY apee...?!!!"