1. Bacanya dihayati gan biar ngerti
2. Pelan2 yang penting ngerti
3. Kalau udah Ngerti Bayangin Deh gan pasti

Su 1 minggu Internet di Timika pu lambat sudah. Tra bisa browsing ka ini. Yaklep de su ganas, trus de angkat buat Mince.
Yaklep: "Mince, ko tlp ke kantor telkom di kota sana. Qmai sa tra bisa kerja". Sudah, De pu maitua Mince tlp.

Mince: "Hellou..Telkom kah ???".
Telkom: "Betul Ibu...kenapa ka?".
Mince: "sa mau tanya ini bagemana Internet tra bisa bae ka?".
Telkom: "Maaf Ibu, tong sedang Maintenance".
Mince: "Trus kapan kam selesai. Sa pu paitua su marah2 ini! mau kerja su trabisa."
Telkom: "Sabar mace..nanti selesai Maintenance tong hubungi..."
Mince: "jang lama2, bikin ganas saja..!!!". Mince tutup telepon.
Yaklep: "Bgm mince..dong su jawab apa?".
Mince angkat: "Dong bilang ada MAIN TENNIS...nanti kalo su klaar dong kasi kabar!!".

Satu kali Mince pulang dari sekolah sampai di rumah de lapor de pu mama.
Mince: "mama... Masa tadi di skolah sa pu teman laki2 dong kasi jatuh bolpen baru lihat sa ke belakang trus. Sa tratau kenapa."
Mama: "booh.. ko bodok skali!".
Mince: "Kenapa jadi???".
Mama: "dong alasan buat lurr-lurr ko pu kolor itu...!!".
Mince angkat: "Iyo ka?...Untung tadi sa tra pake kolorr ...".
Mama langsung kejang2.

Satu kali Yaklep plg ojek ka ini. Sampe rmh de angkat buat de pu maitua Mince.
Yaklep: "Mince, Puasa itu de pu godaan banyak sampee!".
Mince: "Kenapa jadii??".
Yaklep: "Tadi pagi mace sexy satu naik sa pu ojek, baru dia peluk sa lagi". Mince: "Laluu????"
Yaklep: "Sa puasa jd sa lepas dia pu tangan to".
Mince: "oohh".
Yaklep: "Pas sampe de pu rmh, de ajak sa masuk ke kamar".
Mince: "Lalu?????".
Mince de mulai panik.
Yaklep: "awal2 sa tolak dia to, tapii mamayoo.....".
Mince: "Kenapa????".
Yaklep: "Bedug babunyi, jadi sa batal sudah to...".
Mince: "QMAI!!!!"

Satu kali Nene naik taxi (angkot). Tralama Mace1 de naik deng bobou harum. Nene: "ko bobou harum sampee".
Mace1: "tenang saja nene, ini BULGARI, de pu harga 2juta".
Mace de pamer, nene ko diam saja tp dlm hati 'qmai ko sombong sampe'
Tralama Mace2 naik.
Nene: "Bah Harum ee".
Mace2: "Ko tau nene ini GUCCI, de pu harga 3,5 juta".
Nene dlm hati 'epenka'.
Sudah, nene ko turun dari taxi sambil konto,
de pu bau busuk sampe....mace dorang 2 su mau pinsan ka ini.
Trus nene de angkat: Nene: "TERASI, 6 ribu rupiah!!!"

Yakob deng Enos pi mancing ikan. Pas pulang begini dong dapat cakalang 3 ekor. Jadi sampe pante dong dua mo bagi ikan.
Yakob: "Bah neh ko dapat ikan satu, sa satu. Tapi masih ada lebih satu ini bagemana?”.
Sudah dong duduk baku melawan...
Dong dua baribut sampe akhirnya Yaklep datang tanya dong dua
Yaklep: “Kam dua baribut apa?"
Sudah dong dua cerita ikan yg lebih satu.
Yaklep: “Oh, kalo begitu gampang, Yakob ko dapat 1, Enos ko juga dapat 1, trus..."
Yaklep: "Sa dapat satu. Pas to?”.
Yakob, Enos jawab: "bah, Coba pace ko datang dari tadi ka, jadi tong tra baribut to”