Nih maenan bukan sembarang maenan, nih maenan sekali kena lumayan sakit, kalo ente tau pletokan nah ntuh yang ane maenin waktu masih bocah di gang ane kalo ribut pake ginian sambil di bekingin sama yang belakang juga sih pake petasan korek, ntuh juga misalkan kalo udeh keteter baru di pake. Nih maenan dibuat pake bambu kalo di kampungan ane sih pake kertas yang dibasahin buat pelornye, ade juga yang pake biji jambu.
Nah kalo ente pengen tau ini maenan dari mane nih maenan dari betawi gan.

Nah nih maenan kalo maen kudu capcipcup gan temennye hompimpa buat nentuin siape yang jaga, Namanye Batu Tujuh. Cara maenin nih maenan nyusun batu/serpihan genteng di tumpuk(sesuai jumlah pemain yang ikut) terus yang gak jaga megang batu masing-masing. Yang kagak jaga juga dah tuh yang ngelempar tuh batu(kalo dirumah ane pake bola kasti agak ekstrim gan) sampe belarakan. Yang jaga kudu beresin dulu ntuh batu sampe jadi tumpukan tujuh, terus nyari pemaen yang gak jaga(kalo make bola kasti dilempar dah tuh bolanye ke arah pemaen yang kagak jaga sambil jagain tumpukan batu biar gak di belarakin lagi) tapi ati2 gan ane soalnye kalo maen di gang pernah beberapa kali saking semangatnye tuh yang jaga bikin pecah kaca rumah orang. Ini maenan dari Jawa Barat(Sunda) gan.

Nyang Ketige


Maenan nih kalo di kampungan ane namanye dampu. Katenye sih nih maenan anak cewe tapi kalo di kampungan ane mah sama aje cowo-cewe maenannye ginian. Cara maennye gini gan ; pemaen lompat ngegunain satu kaki dah tuh kaya orang pincang yang udeh di gambar di tanah pake genteng, setiap pemaen harus bawa pecahan genteng(gacuk), maennye lempar dah tuh gacuk ke petak, setiap petak yang ada gacuknye harus ente lewatin, ente dinyatain gagal kalo tuh gacuk keluar dari garis petak, tapi ente masih bisa ngelanjutin tuh permaenan, ente dinyatain menang kalo ente punya bintang di pecak paling banyak.

Nyang keempat


Namanye Petak Umpetcara maennye ente kudu capcipcup dulu kalo gak gambreng(hompimpa), yang kalah jaga, yang jaga nyari pemaen yang ngumpet di daerah situ. Tapi ati2 gan jangan ngumpet di bawah pohon kalo maennye malem, di daerah ane lagi maen petak umpet di bawa kalong wewe tiba2 ada di bogor tuh anak. Jaganya ngitung dah tuh seusai kesepakatan biasanye yang jaga di taro di tiang listrik,pohon,kalo gak tembok. Kalo sampe ada yang ketauan terus gak sempet ingglo ya ente bakal jaga, kalo yang kena ada 2,yang jaga kudu milih dah tuh, 1 ape 2. Terus yang dipilih yang di jaga.