pertama tama ane mohon maap klo berantakan gan....maklum ini thread pertama ane, trus bikinnye dari hp

jangan dihina ye gan.....dikritik boleh..



..si jambrong..

ni malem angin menyemilir dingin di tambah awan mendung ngelahap bulan sabit yang baru nongol di atas langit
sesosok bayangan orang berjalan gontai tak karuan arah lewati buritan sawah sambil berteriak kesakitan sementara tangan kanan nya memegang leher yang menyemprotkan darah segar kesegala arah....tak lama pria itu roboh beberapa jengkal dari rumah bambu di ujung persawahan tersebut..

obor di depan rumah bambu tersebut seperti enggan memberi tahu penghuni rumah dan hanya menari redup di nyanyikan angin..

keesokan paginya seluruh kampung cipete gempar....karena menemukan mayat bersimbah darah dengan kepala nyaris putus di babat golok...ternyata nyang lewat si gompal, centeng kebon kelapa koh akiong yang emang sering banget bikin perkare sama orang orang kampung...dari mulai notokin rumah warga buat sekedar beli arak sampe jegatin orang yang mau belanje ke kota trus di kures isi kantongnye ama nh jawara tengik.

nyi ipeh bini ketige si gompal yang dikimpoiin paksa kaga nangis ngeliat mayat si gompal...di hatinye ada perasaan seneng campur miriss karna walaupun bgimane nih orang ude jadi suaminye.

kaga lama beredar cerite si gompal di gorok lelaki gondrong brewokan di pematang sawah isya kmaren gara-gara coba ngerampok nih orang, ceritanye nyebar bsliweran ada nyang bilang gompal cuma di geprak batang bambu sama nih orang langsung robek tuh leher, ade lagi nyang nambahin gompal baru keluarin kude - kude tapi golok nh orang kaya terbang ngebabat leher si gopal.

anak buah sekaligus temen mabok si gompal si cu'un kaga terime bos nye diabisin orang. pagi pagi buta ari ketiga si gompal lewat, si cuun nyamperin beni krumah nye, benii teriak cu,un dari depan rumah, lw mau ikut gua kaga hardiknye, kite jegatin orang - orang di pertigaan kali beradu, kite abisiin aje semua....baik nih orang yang matiin temen gue....

Gompal cu,un sama beni emang terkenal punya kepandaian silat yang kaga bise dianggap enteng, makanye die be tiga bisa jadi centeng di kebon si koh akiong..

kaga berapa waktu si beni keluar dari rumah sambil betulin iket pinggang nye nyang baru di masukin golok, trus kaga pake lama ni orang dua ude jalan cepet lewatin kebon bambu, sampe dipertiggan ni si cu,un sama beni langsung ngamuk, kaga pake babibu tiap orang lewat barang nye dirampasin, mata ni orang ude gelap abang abang tukang kembang tahu kena jebret, pala nye melintir di gampar cu,un yang badannye segedebadak, belon lagi sempet bangun tuh kaleng sama pikulannye melayang ke badan tuh abang abang di tendang beni, si cu,un yang kalap masih kaga puas, nyamperin nih abang abang, baru tiga langkah dari arah po'on kecapi ada nyang hardik, jelas banget ni suara pake tenaga dalem karna si cuun kaya dicegat sama tuh suara, ngga gitu bang cara merlakuin orang..buru-buru cu,un nengok sambil tangan kiri ngeluarin golok dari sarung nye, tau ni orang nyang hardik kaga sembarangan badannye bebalik sambil lepasin golok nye ke arah suara, nyang disambit golok santai ngepret pake sarung nyang melingker di leher nye, sambil nongol dari balik poon kecapi, sosok tubuh kekeritem kelam ditambah rambut gondrong sama jenggot yang nyatu sama kumis nambah kesan angker nih orang, gak pake lama beni langsung nge luarin golok nye trus pasang kuda kuda harimau besi, kaki kirinye di jejekin ketanah sambil mulutnye komat kamit palanye nunduk, tuh golok disayat sayat kebadannye sendirii, tpi kaga ada darah . lama lama badan si beni jongkok ketanah, golok nye di kesrekin ketanah ngebentuk buletan di sekeliling nye, sementara beni mash ngeluarin jurus macan besi , si cuun mulai lagi dengan serangan nye, kali ini cu,un ude emosi, die lari cepet kearah kanan si orang yg hardik die barusan , sambil lompat ke arah batok kepala si lawan cu,un ngebagi jotosannye tapi dengan tenang si lawan buang badan ke kiri sambil tangan kanan yang ada dipinggang masukin jotosan kearah perut si cu,un, tau serangan dateng cu,un melintirin badan trus nangkis tuh jotosan, sambil jatohin badan ke tanah dan ngebuat kuda kuda macan yang siap nerkam, ngga lama beni yang udah slesai siapin jurus mulai nyiapin serangan, die congkel batu keatas dengkul segede semangka yg ada di bawah nye pake kaki kiri trus kaki kaanan nendang tuh batu kearah depan ngincer muka lawannya, belom lagi tuh batu melayang tiba tiba aje orang yang mau diserang koprol dari tempat nya bediri, cuma modal nekuk dengkul sedikit ni orang udah bisa koprol tiga kali ngedeketin beni, batu yang lagi melayang di jejek pake dua kaki ke tanah, kaga pake lama kaki kanan nye udah melayang ke perut sibeni, blom lagi beni sadar penuh serangan tadi giliran kaki kiri yang sampe ke pundak kiri beni, ngebuat die sujud ketanah, ngga pake lama si lawan ngeluarin golok dipinggang nye, ditusukin tuh golok ke tanah sambil ngomong " dari tanah balik ke tanah, dan dengan cepat dibtebas ke arah batang leher beni...

gelinding ke arah kali trus masuk ke arus kepala beni bikin noda aer kali beradu, sedangkan batang leher nye muncratin darah seger kearah pepohonan dan belakang baju si cu,un, ilmu macan besi yang terkenal sampe cilengsi karna kaga mempan senjata tajam cuma setebasan doang sama nih orang, belom ilang kaget si cu,un tiba tiba aje tangan kanan lawannye yang berada tiga tombak dari si cuun ude nembus dari belakang ke depan ngejebol ulu hati si cu,un, tangan lawannye yang ngebentuk ujung tombak ngegeroak badan cu,un dari belakang, ngga lama kedua kaki cu,un ditebas golok ni orang sampe cu,un yang posisi nye udah bediri mau bebalik jadi jatoh ketanah pake kedua sumsum dengkul nye yang udah kaga nyatu sama betis, darahb seger besliweran, cu,un yang keilangan napas nye yang udah di tenggorokan di jenggut kepala nye dari belakang sebelum nebas kepala cuun dari ubun ubun ampe dagu die bebisik ke cu,un, lw ingetin nama gua ...JAMBRONG !!